Inter Milan oo iska reebtay Napoli gashayna kaalinta labaad ee Serie A Talyaaniga
Published on December 10, 2012 by haruun · No Comments Waxaa Aqrisatay532
Kooxaha Inter Milan iyo Napoli oo ku wada dagaallamayay kaalinta 2-aad ee Horyaalka Talyaaniga ayaa ciyaar aad u xamaasad badnayd ku wada yeeshay garoonka Giuseppe Meazza ee magaallada Milano, waxaana 2-1 loogu awood sheegtay kooxda Napoli.
Guushani yididiilo wanaagsan oo dhinaca hanashada Horyaalka Talyaaniga ah gelinaysaa kooxda Inter oo kaalinta 2-aad isku cariirisay iyadoo leh 34-dhibcood, halka Napoli oo ay ka tuurtay kaalinta 3-aadna ay leedahay 33-dhibcood.
Goolasha Inter waxaa u kala dhaliyay Fredy Guarín daqiiqaddii 8-aad iyo Diego Milito daqiiqaddii 39-aad, halka gool caato ah uu Napoli u dhaliyay Edinson Cavani daqiiqaddii 54-aad ee qaybtii labaad ee ciyaarta.
Horyalyalka Talyaaniga ayaa waxaa hoggaanka u heysata kooxda Marwada duqda ah ee Juventus oo ku horkacaysa 38-dhibcood, halka Inter Milan oo gashay kaalinta labaadna ay leedahay 34-dhibcood.
laanta.net
Sports
