Ninkii ugu caansanaa kooxaha burcad badeedka oo tanaasulay (Sawirro)

Ninkii ugu caansanaa kooxaha burcad badeeda Soomaalida ayaa ku dhawaaqay in isaga iyo kooxdiisa ay ka tanaasuleen falkii burcad badeednimo ay ka wadeen Biyaha Soomaaliya iyo kuwa ka baxsan oo ay maraakiibta ka soo afduuban jireen.

Munaasabad shalay ka dhacday degmada Cadaado ayuu Maxamed Cabdi Xasan oo loo yaqaanay Afweyne kaga dhawaaqay inuu ka baxay howshii burcad badeednimo, iyadoo munaasabadaas ay ka qeyb galeen Mas’uuliyiinta Maamulka Ximan iyo Xeeb.

Mr Afweyne ayaa sheegay inuu go’aansaday inuu ka tanaasulo falalkii burcad badeednimo, isagoo xusay inuu waday howlo uu ku hanuuniyay dhalinyarada burcad badeedka, si ay isaga dhaafaan howshii ay ku jireen.

“Waxaan go’aansanay inaan iska joojino howlihii burcad badeedka, wixii hada ka dambeeya kuma laaban doono”ayuu yiri Afweyne oo intaa ku daray in falalka burcad badeednimo uu ku soo jiray muddo sideed sano ah.

Dhinaca kale Madaxweynaha Maamulka Ximan iyo Xeeb Mr Tiiceey ayaa sheegay inay ku faraxsan yihiin in dhalinyaradii burcad badeedka inay ka tanaasulaan, isagoo beesha caalamka ugu baaqay inay joojiyaan xadgudubta maraakiibtooda ku hayaan biyaha Soomaaliy

by:nasrudiin